Esperanto en la Bibliotekoj [KKE]

- Esperanto en la Bibliotekoj

La kampanjo “Esperanto en la Bibliotekoj”, kiu celas liveri esperantajn librojn al bibliotekoj, starigita de Kultura Kooperativo de Esperantistoj, en julio/2001, okaze de ĝia 50-jariĝo, funkcias per la sendado de libroj en aŭ pri Esperanto al bibliotekoj en Brazilo kaj en aliaj landoj.

Kelkaj Provizitaj Bibliotekoj

Biblioteko de Teknika Universitato Fostu, en Vladivostok, Rusio
Biblioteko en Lorena
Biblioteko de la Katolika Monaĥejo “Santo Agostinho” en la urbo Bom Jardim, ŝtato Rio de Janeiro.
Biblioteko de la Universitato de Mazandaran, Babolsar, Irano
Biblioteko de “Sociedade Educacional da Cidade”
Biblioteko de Teknika Universitato, Vladivostok, Rusio
Dominik-Respublika Movado/Rafael Despradel, Santiago de los Caballeros, Dominika Respubliko
Institut Zamenhof, Lome, Togo
Katolika E-Grupo, Ciego de Avila, Kubo
Muhindo Karafuli, Nampula, Mozambiko
Nacia Biblioteko de Portugalio
Nacia Publika Biblioteko
Paragvaja E-Movado/Deolinda Vera Lopes, Assuncion, Paragvajo
S-ro Cherarak Ali, Wilaya de Bouira, Alĝerio
Urba Biblioteko de Araxá “Viriato Correia”.
Ushuaia E-Rondo, Ushuaia, Terra del Fuego, Argentino

Kelkaj Senditaj Libroj

Cent Jaroj da Kantado en Esperanto, de Sylla Chaves
Facila Skeĉ-Albumo, de Bertram Potts
Gerda Malaperis, de Claude Piron
Homaranismo, la Interna Ideo, de Délio P. de Souza
Iracema, de José de Alencar
La Magia Ĉevaleto, de Elma do Nascimento
La Rompitaj Flugiloj, de Kalil Gibran
Libera Ekflugo, de Sylla Chaves
Monumento, de Carlo Bourlet
Originala Esperanta Bildvortaro, de Sylla Chaves
Paroladoj kaj Poemoj, de L.L. Zamenhof
Rumanaj Legendoj kaj Rakontoj, de Julia Carâp
Teatraĵo, de Aylton Lima Rocha

Komentoj

Mi skribas al vi por informi pri la rezulto de la sendo de libroj al la biblioteko, en Lorena. La afero bone prosperis. Kiel mi antaŭe anoncis, nia grupeto de geesperantistoj are vizitis la institucion, post interkonsento kun la respondeca sinjorino kaj transdonis la materialon, kune kun aliaj informfolioj. Ŝi tre simpatie kaj interesite akceptis nin, kaj ŝi eĉ proponis malfermi sekcion de Esperanto en la biblioteko, ĉar ni esprimis la intencon de tempo al tempo aldoni aliaj verkojn al la kolekto. Post kelkminuta babilado, ŝi invitis nin por intervjuo en sia radiprogramo (loka stacio), en iu proksima sabato. Ni fotis la renkontiĝon kaj mi intencas sendi al vi unu el la fotoj. Mi pensas ke la sperto estis tre riĉa, kaj eble utilos al aliaj grupoj, en aliaj urboj. Mi ege gratulas vin pro tiu brila ideo. KKE sidas en bonaj manoj!

Saluton, Paulo Sérgio Viana.

Kiel Vi Povas Helpi?

La kampanjo estas subtenata de deko da malavaraj brazilaj e-istoj, kiuj libervole mondonacas al ĝi.

Se iu volas kontribui al la kampanjo povas deponi monsumon en la bankkonto de KKE ĉe Bradesco S/A, konto n. 6300-2, Agentejo 3176-3 (Cinelândia) aŭ deponi en la konto de KKE ĉe UEA (kkde-h).

eo/participe/kampanjo_esperanto_en_la_bibliotekoj.txt · Lastaj ŝanĝoj: 2008/08/22 22:00 (ekstera redakto)